Deklaratat e dikurshme të Arbana Xharrës kundër PDK-së

Deklaratat e dikurshme të Arbana Xharrës kundër PDK-së

Ish-gazetarja Arbana Xharra e ka një arkiv të pasur të deklaratave publike kundër partisë, së cilës ka vendosur t’i shërbejë nga sot, raporton KTV.

Ajo e ka quajtur këtë parti në shumë raste parti të krimit dhe korrupsionit, dhe ka treguar sa i vjen neveri nga PDK-ja.

Por, ajo është vetëm një nga shumë individët që ndër vite i janë bashkuar PDK-së, pasi që paraprakisht kanë qenë kritikë të ashpër të saj.

Në mesin e tyre, Ramadan Ilazi e Ardian Arifaj që e lanë shoqërinë civile për partinë, atëherë të Thaçit.

Rast i rrallë ishte edhe Ajnishahe Halimi që u bë pjesë e partisë së Veselit, pasi që provoi për shumë vite, siç e thoshte vetë ta “çlirojë” Skenderajn nga krimi e korrupsioni i PDK-së.

E fotografi zori kishte bërë edhe Afrim Kasolli, deputet i zëshëm i Vetëvendosjes kundër PDK-së në legjislaturën 2010-2104.

Pas heshtjes disavjeçare, Kasolli është rehatuar si këshilltar i ministres së Drejtësisë, Dhurata Hoxha.

Leave a Reply

Your email address will not be published.